هوستي بيوجعني
كتبهاطاهر الصوفانى ، في 28 مارس 2008 الساعة: 14:36 م
هوستي بيوجعني
كلامي للعموم ماهوش لحد خالص
والي علي راسه بطحه ديما بيحس بيها
دخلت في يوم لروم وكاني هوستي وجعني
وقولت اهي اي حاجه نسمعها والسلام
في الاول كان جميل كلام زي الحقايق
وناس كتير تسلم ومبالغات في التحيه
قعدت وقلت اسكت لما نشوف الحكايه
والظاهر كنت بعرف حد من الموجدين
قولت اسلي نفسي واكتبله عالبرايفت
كلام زي الحديت واهو كله في الهجايص
قالوا يالله نغني الست نفيسه وصلت
ام الصوت الحنون كله يعمل ميوت
قولي واطرشينا يادي الليله الطويله
منا ياختي اصلي ناقصك لما انظف وداني
يادوب قالت ياليل
وياعيني علي كان منهم في حس واحد
صوتك الله عليه
يشبه في الاصل سومه وفي الخيال فريد
وهي ياعيني هبله ومسكوها ناي
والظاهر كان طويل
ويامين يرحم وداني
وكلامي عالعموم وماهوش لحد ابدا
والي علي راسه بطحه هو الي يحس بيها
واخيرا بعد مده سكت النشاز وعاد
واحد وقال هنبدا موضوع عن الطفوله
مين ياناس يوافق ردت واحده عليه
قالت موضوع قديم
طيب طيب نصوت
من اول الي فوق للي في الاستماع
بس شويه نظام
طبعا راي الحريم هيكون اول مقام
نبدا بالسته هوئه وتاليها الست موئه
وباقي الطقم الجميل
واتاريهم مش معانا رايحين في دنيا تانيه
والعزف علي الكي بورد صوته زي القنابل
دخل الاستاذ حموئه
وقال عندي الجديد
الحقنا كنت فين مستنين ظهورك
موضوعنا عن الجواز الي من غير خطوبه
ولامهر ولادياوله دي حجات بقت غريبه
طيب فدنا ياسيدنا
وزدنا الله يذيدك
وهات كل الي عندك
ماتقول خلينا نبدا
قال ابدا بسيطه وحكايه سهله خالص
وشرعي كمان ودولي عند الاربع مذاهب
عن حمدي وعن سعيد
ورواه ابن المشلح
ان المحتاجه عايزه وبترضي باي هايف
الله الله عليك
اهو ده يبقي الكلام ممكن طيب اعلق
انا اصلي عملها مره وسمعت انه حرام
ابدا عالنت شرعي ماسمعتش الحديث
دا صحيح لو مش مصدق ادخل شوف المواقع
انا قولت ادخل معاهم واقولي كلمتين
اصل الموضوع عجبني وجالي عالوجيعه
وفضلت لمده قاعد مستني الهوست يأذن
واطلع يادوب تحدث يرميني أستماع
وشافتني ساعتها واحده من ملطيشي القدام
استاذ فلان ياهوستي؟ قاعد في الانتظار؟
عفوا استاذ فلان واعزرني مااخدت بالي
اهلا بيك والي زيك
لعيون الست سونيا تكرم علي اي حال
وقلت اقعد واربع وامرع واخد نصيبي
اكيد هطلع بموزه طيب ابدا كلامي
الاول اقول سلام للكل بدون اسامي
انا واحد منكوفيكو بتشرف اكون معاكم
ماهو الاحساس ومات ويا باقي المشاعر
حتي الي علي راسه
بطحه معدشي يحس بيها
ـــــــــــــــــــــــــــــــــــــــــــــــــــــــــ
التصنيفات : شعر عاميه وفصحى | السمات:شعر عاميه وفصحى
أرسل الإدراج | دوّن الإدراج
الحب هو